سەرکردەیەکی هاوپەیمانی رایگەیاند هاوپەیمانی هاتووە بۆ گۆڕینی نەریتە سیاسیەکان و هەڵبژاردنی ئەنجومەنی سیاسیش کە ئەمڕۆ بەڕیوەدەچێت گۆڕانکارییەکی ترە لە نەریتی سیاسیدا.
محەمەد رەئوف سەرکردە لە هاوپەیمانیی نیشتمانی لە میانی وتارێکیدا لە کۆبوونەوەی فراوانی هاوپەیمانی، ڕایگەیاند “هاوپەیمانی هەر لە سەرەتاوە بۆ گۆڕینی نەریتە سیاسیە کۆمەڵایەتیەکان هاتووە”.
ناوبراو ڕوونیشیکردەوە “هاوپەیمانی لەماوەیەکی زۆر کەمدا توانی خۆی ڕێکبخاتەوە و کۆتایی بە قۆناغەکانی ڕێکخستنەوەی ئۆرگانەکان بهێنێت”.
ئەو سەرکردەیەی هاوپەیمانی جەختیکردەوە “ئێمە توانیمان چەندین نەریتی سیاسیی بگۆڕین و ئەمڕۆش نەریتێکی سیاسی تر دەگۆڕین و ئەنجومەنی سیاسی بە هەڵبژاردنێکی پڕ لە کێبڕکێی دۆستانە هەڵدەبژێرین”.
وتیشی “ئێمە بە کردار دەیسەلمێنین کە نەریتە سیاسیەکان دەگۆڕین و مۆدێلێکی نوێی خەباتی سیاسی بەرپا دەکەین”.